News‎ > ‎

بەڕێوەچوونی وۆرکشۆپ لە بەشی ئەندازیاری شارستانی لە لایەن مامۆستای هەمان بەش بەڕێز(د. جمال کاک رسول) لە فاکەڵتییەکەمان

 ئەمڕۆ سێشەممە ڕێکەوتی٢٠١٩/٤/٣٠، بە ئەمادەبوونی بەڕێز ڕاگری فاکەڵتییەکەمان وۆرکشۆپێک لەهۆڵی کۆنفرانسی فاکەڵتی ئەندازیاری, لەژێر ناونیشانی:Highway Slope Management Consepts and Techniques بەڕێوەچوو کەتیایدا ژمارەیەکی بەرچاو لە ئەندازیارانی بەڕێوەبەرایەتی چاککردنەوەی ڕێگاوبانی هەولێر و ئەندازیارانی شارەوانی سۆران و قوتابیان و مامۆستایانی بەشی ئەندازیاری  شارستانی  ئامادەبوون.

وۆرکشۆپەکە لە چوار تەوەری سەرەکی پێکهاتبوو تیشک خرایە سەر کێشە و چارەسەرەکانی ئەم دۆخە ناهەموارەی کە ئەمڕۆ لە ڕێگاکانی هەرێمی کوردستاندا ڕوودەدات و کێشەیەکی بەرچاو بۆ هاوڵاتیان دروستدەکات.

سەرەتای دەستپێکردنی وۆرکشۆپەکە بەڕێز ڕاگری فاکەڵتییەکەمان(د. شێروان شریف قرطاس) چەند وتەیەکی بەنرخی پێشکەشکرد و بەخێرهاتنی میوانە بەڕێزەکانی کرد.
بەڕێوەچوونی سیمیناری یەکەم لەلایەن بەڕێز دکتۆر جمال اسماعیل کاک رسوڵ مامۆستای بەشی ئەندازیاری شارستانی و ڕێکخەری وۆرکشۆپەکە, لەژێر ناونیشانی:
Geotechnical Challenges and Highway Slopes in Kurdistan.

بەڕێوەچوونی سیمیناری دووەم لەلایەن بەڕێز ( ایوب سعید حسن ) ئەندازیاری بەڕێوەبەرایەتی چاککردنەوەی ڕێگاوبانی هەولێر  لەژێر ناونیشانی:
Landslides Causes, Economic Impacts and Upgrading.

لەدوای وەرگرتنی پشویەک, بەڕێوەچوونی سیمیناری سێیەم لەلایەن بەڕێز ( هیوا انور نوری ) ئەندازیاری  بەڕێوەبەرایەتی چاککردنەوەی ڕێگاوبانی هەولێر لەژێر ناونیشانی:
Slope Stability and Stabilization Techniques.

بەڕێوەچوونی سیمیناری چوارەم و کۆتایی لەلایەن بەڕێز دکتۆر ئاکۆ دارایی مامۆستای بەشی ئەندازیاری شارستانی پێشکەشکرا لەژێر ناونیشانی:
Application of Geosynthetics in Civil Engineering.
دواتر بەئەنجامدانی چەند پرسیار و وەڵامێک کۆتایی بە وۆرکشۆپەکە هێنرا. دواتر بەڕێز ڕاگری فاکەڵتیی سۆپاس و پێزانینی فاکەڵتی ئەندازیاری پێشکەش بە پێشکەشکارانی سیمینار کرد.  
شایەنی باسە وورک شوپەکە بۆ ماوەی یەک ڕۆژ بەردەوام بوو.