گەشتی زانستی و مەیدانی قۆتابییانی بەشی ئەندازیاری شارستانی

گەشتی زانستی و مەیدانی قوتابییانی بەشی ئەندازیاری شارستانی زانکۆی سۆران، بۆ ئەم پرۆژە ستڕاتیژیە له ریکه وتی 8-11-2018، لە ژێر چاودێری راستەوخۆی ئەندازیاری بە توانا و بە ئەزموون (م. ئاکۆ دارایی) بۆ شرۆڤەکردنی کارە ئەندازەییەکان و شێوازی دروستکردنی، تونێڵ، ڕێگای ژێرزەمینی. لە ئاڕاستەی نوێی هێڵی جادەی هامڵتۆن کە هەولێر بە حاجی ئۆمەران دەبەستێتەوە، بۆ هاتووچۆی زەمینی،  تۆنێلی بەنی هەریر کە لە دیوی سیساوە بۆ گوندی بناویەی دوڵی ئاڵانەی خەلیفان درێژ دەبێتەوە بە مەودای دوو تیوبی 3.565 کم ، کە کون کردنەکەی تەواو بووە . ئەم ڕێگا نوێیە یەکیکه له گەورەترین پرۆژەکانی ستراتیجی ڕێگاوبان لە کوردستان کە بە تەواو بونی ڕێگای سۆران / هەولێر لە کاتژمێرێک وچل و پێنج دەقیقە دەبێتە تەنها ۳٥ دەقیقە کە تۆنێلی کۆڕەکیش تەواو بێت.  کۆمپانیای جێبەجێکار کۆمپانیای یەرتاشی تورکیە و گوژمەکەی 138 ملیار دینارە و لە سەر میزانیەی وەزارەتی ئاوەدان کردنەوەی حکومەتی هەرێمی کوردستان جێ بەجێ دەکرێ.