News‎ > ‎

لە خولێکی تۆپی پێ دا بەشی ئەندازیاری کیمیا پلەی یەکەمی بەدەست هێنا

ئەمڕۆ ڕێکەوتی ٩-٥-٢٠١٨ ڕۆژی چوارشەممە بە ئامادەبوونی بەڕێز د.شێروان شریف ڕاگری فاکەڵتییەکەمان بە نوێنەرایەتی بەڕێز سەرۆکی زانکۆی سۆران یاری کۆتایی خولێک لە نێوان بەشی ئەندازیاری کیمیا لە فاکەڵتییەکەمان و بەشی جوگرافیا لە فاکەڵتیی ئاداب بەڕێوە چوو، لە یارییەکەدا کە هەندێ لە ستافی ئەکادیمی فاکەڵتییەکەمان هەڵسان بە سەرپەرشتی کردنی خولەکە، وە لە دەرەنجامدا تیپی قوتابییانی ئەندازیاری کیمیای فاکەڵتییەکەمان توانیان یاریەکە لە بەرژەوەندی خۆیان یەکلا بکەنەوە بە لێدانی سزای یەکلا کەرەوە و پلەی یەکەم بەدەست بهێنن.