News‎ > ‎

سەردانکردنی وەفدێک لە سەرۆکایەتی شارەوانی سۆران بۆ فاکەڵتییەکەمان

 ڕۆژی چوارشەممە ڕێکەوتی ٢٠٢٠/١/٢٩، وەفدێک لە سەرۆکایەتی شارەوانی سۆران، کە پێکهاتبوو لە هەر یەک لە بەڕێزان: (کاوە   نجم عبداللە)،  سەرۆکی شارەوانی سۆران و جێگرەکانی و بەرپرسی یەکە ئیدارییەکان و ئەنجومەنی شارەوانی سۆران، بە   مەبەستی هەماهەنگی و هاوکارییکردنی لە نێوان هەر دوولا سەردانی فاکەڵتییەکەمانیان کرد.
 سەرەتا لە لایەن ڕاگری فاکەڵتییەکەمان بەڕێز (پ.ی.د. شیروان شەریف قرطاس)، و یاریدەدەرانی ڕاگر و سەرۆک بەشەکان وتیمی   سەنتەری ڕاوێژکاری ئەندازیاری لە فاکەڵتییەکەماندا، بە خێرهاتنێکی گەرمیان لێکراو، پاشان لە لایەن بەڕێز  ڕاگڕ،  ستافی   ئەکادیمی و زانستی فاکەڵتیی بە شاندی میوان ناسێندرا. 
 بەڕێزیان ئامادەیی تەواویان دەربڕی بۆ هەماهەنگی و هاوکاری زانستی بە مەبەستی  دۆزینەوەی چارەسەری زانستی و کرداری   بۆهەموو  ئەو گرفتانەی کە ڕووبەڕوی گەشەپێدانی شار و پڕۆژەکان دەبنەوە، هەروەها جەختیان کردە سەر چارەسەری گرفتەکان،   بە شێوەی لێکولینەوەی زانستی و ڕاوێژی ئەندازیاری. 
 هەروەها بە چەندین تێبینی و پلان و پیشنیاری گرنگ، کۆتایی بە کۆبوونەوەکەهات،  پلانیش دانرا بۆ ئەوەی ئەم کۆبوونەوانە   بەردەوامیان هەبیت بۆ  دەست هێنانی بەرهەمی زیاتر.